KOMBE LA CARLING: Liverpool nje!!! Chelsea, Arsenal na Man City zaingia Robo Fainali!!!
Arsenal 2 Liverpool 1
Arsenal, ikichezesha kikosi mchanganyiko wa Chipukizi na Maveterani wachache, kiliitupa Liverpool nje ya Kombe la Carling baada ya kuifunga bao 2-1 Uwanjani Emirates.
Mabao ya Arsenal yalifungwa na Fran Merida na Nicklas Bendtner. Liverpool walifunga kupitia Emiliano Insua.
Vikosi vilikuwa:
Arsenal: Fabianski, Gilbert, Silvestre, Senderos, Gibbs, Eastmond, Merida, Bendtner, Ramsey, Nasri, Eduardo.
Liverpool: Cavalieri, Degen, Skrtel, Kyrgiakos, Insua, Plessis, Spearing, Babel, Voronin, Kuyt, Ngog.
Refa: Alan Wiley
Chelsea 4 Bolton 0
Mabao ya Saloman Kalou, Florent Malouda, Deco na Drogba yaliwapa ushindi Chelsea wa bao 4-0 dhidi ya Bolton Wanderers na kutinga Robo Fainali ya Kombe la Carling.
Man City 5 Scunthorpe 1
Huku wakichezesha Wachezaji wengi wao nyota, Manchester City wakiwa nyumbani City of Manchester Stadium, waliipa mkong’oto Timu ya Daraja la Chini, Scunthorpe, wa mabao 5-1 na kuingia Robo Fainali ya Kombe la Carling.
Mabao ya Man City yalifungwa na Stephen Ireland, Roque Santa Cruz, Joleon Lescott, Carlos Tevez na Michael Johnson.
Bao la Scunthorpe lilifungwa na Jonathan Forte.