CHEKI: www.sokainbongo.com

‘Timu Tajiri’ Man City yanyongwa sekunde ya mwisho!
Timu inayosifika ndio tajiri kupita zote, Manchester City, leo huko Stadium of Light imechapwa bao 1-0 na Wenyeji Sunderland kwenye Mechi ya Ligi Kuu na bao hilo la ushindi lilifungwa dakika za majeruhi na Darren Bent kwa njia ya penalti.
Penalti iliyoipa ushindi Sunderland ilitolewa na Refa Mike Dean baada ya Beki Micah Richards kumpandia Darren Bent.
Vikosi vilivyocheza:
Sunderland: Mignolet, Richardson, Turner (Bardsley, dakika ya 46), Bramble, Ferdinand, Cattermole, Malbranque, Henderson, Al-Muhammadi, Campbell (Welbeck, dak 46), Bent
Man City: Hart, Richards, Kompany, Lescott (Adebayor, dak 75), Kolo Toure, Milner, A Johnson, Barry, De Jong, Yaya Toure, Tevez (Jo, dak 90)
Refa: Mike Dean
Torres aipa ushindi Liverpool
Straika mahiri wa Liverpool, Fernando Torres, leo huko Anfield ameweza kufunga bao moja na la ushindi dhidi ya West Bromwich Albion waliosimama kidete.
Bao hilo la Torres lilifungwa dakika ya 65 na sasa Liverpool wana pointi 4 baada ya Mechi 3 za Ligi Kuu.
Baada ya Liverpool kupata bao lao, West Brom ilibidi wacheze Mtu 10 baada ya Mchezaji wao Morrison kumchezea Torres rafu mbaya sana na Refa kumtwanga Kadi Nyekundu.
Vikosi vilivyocheza:
Liverpool: Reina, G Johnson, Agger, Carragher, Skrtel, Gerrard, Lucas, C Poulsen, Torres (Babel, dakika ya 89), Jovanovic (Maxi, dak ya 59), Kuyt
West Brom: Carson, Olsson, Shorey, Tamas, Jara, Morrison, Brunt, Dorrans (Tchoyi, dak ya 75), Mulumbu, Odemwingie, Fortune (Wood, dak ya 82)
Refa: Probert