LIGI KUU: Huko mkiani, kuzama au kuzuka!!!
Nani Bingwa ni swali la Wadau wengi kwani Chelsea, Manchester United na Arsenal ndio wanaoelekea kuwa ndio wagombea pekee wa taji hilo kwa Timu zilizo juu kwenye msimamo wa Ligi Kuu lakini huko mkiani nako kuna vita na mvutano mkubwa na wa kusisimua.
Portsmouth ndio iko mkiani kabisa na wengi wameshaiteua kuwa ndio moja ya Timu 3 zitakazoshuka Daraja msimu huu kwani licha ya nafasi yao hiyo ya mwisho, Klabu hiyo pia iko mashakani nje ya uwanja kwa kukabiliwa na matatizo makubwa ya kifedha na hata pia kuwa na kesi Mahakamani wanayotishiwa kufilisiwa.
Lakini, ukweli ni kwamba, juu ya Portsmouth kuna Timu 7 zilizotenganishwa na pointi 4 tu.
---------------------------------------------------------------------------------
MSIMAMO LIGI KUU England: [Timu zimecheza mechi 26 isipokuwa inapotajwa]
1 Chelsea pointi 58
2 Man Utd pointi 57
3 Arsenal pointi 52
4 Liverpool pointi 44
5 Man City pointi 44 [mechi 24]
6 Tottenham pointi 43]
7 Aston Villa pointi 42 [mechi 25]
8 Birmingham pointi 37 [mechi 25]
9 Everton pointi 35 [mechi 25]
10 Fulham pointi 34
11 Blackburn pointi 31
12 Stoke pointi 30 [mechi 24]
13 Sunderland pointi 26 [mechi 25]
14 West Ham pointi 24 [mechi 25]
15 Wolves pointi 25 [mechi 24]
16 Wigan pointi 24 [mechi 24]
17 Hull pointi 24
18 Burnley pointi 23 [mechi 25]
19 Bolton pointi 22 [mechi 24]
20 Portsmouth pointi 16 [mechi 25]
----------------------------------------------------------------------------------
Ukweli mwingine ni kwamba Ligi ya msimu huu imekuwa haitabiriki na hata zile Timu vigogo kama vile Manchester United, Chelsea, Arsenal na Liverpool zimepoteza mechi nyingi mno kupita ilivyo kawaida katika misimu mingine.
Kuna nadharia nyingi kuhusu matokeo ya kushangaza ya msimu huu.
Kuna wengine wanasema Ligi ya msimu huu si kali kama misimu mingine na wengine wanasema Timu za chini zimekuwa ngumu kufungika lakini kama hilo ni kweli mbona bado Timu za juu ni zilezile, yaani Chelsea, Man United na Arsenal?
Portsmouth ndio huyo ana nafasi kubwa ya kuporomoka ikizingatiwa yuko mkiani, hali yao kifedha ni duni na mechi zao zilizobaki ili waweze kujinusuru ndio zinazidi kuyoyoma.
Je nani wengine wanaweza kuungana nae?
Burnley ina hali tata licha ya kuwa inashinda sana nyumbani lakini tatizo lao kubwa ni kuwa nyanya ugenini.
Wolves nao wako mkumbo huo na pia wana tatizo kubwa la ufungaji magoli.
Hull City pia wako kwenye kundi hili la Burnley na Wolves na hawa wanajumuika pamoja na Wigan.
Bolton nao wako hatarini na mechi zao 6 zinazofuata- dhidi ya Wigan, Blackburn, Wolves, West Ham, Sunderland na Wigan [kwa mara ya pili] ndizo zitakazoamua hatima yao.
West Ham na Sunderland nazo zipo hatarini lakini hizi kidogo zinaonekana ni Timu nzuri na zikitulia zinaweza kujinasua.
Hali hii ya kutokuwa na fununu nani Bingwa na nani ndie mporomokaji kumeifanya Ligi ya msimu huu iwe tamu sana na wiki zijazo, bila shaka, zitatupa uhondo mtamu zaidi.
RATIBA WIKI HII:
UEFA CHAMPIONS LEAGUE, RAUNDI YA MTOANO YA TIMU 16:
[Mechi zote kuanza Saa 4 dak 45 usiku saa za bongo]
Jumanne, 16 Februar1 2010
AC Milan v Man U
Lyon v Real Madrid
Jumatano, 17 Februari 2010
Bayern Munich v Fiorentina
FC Porto v Arsenal
LIGI KUU:
Jumanne, Februari 16
Stoke City v Man City
Jumatano, Februri 17
Wigan v Bolton