CHEKI: www.sokainbongo.com

Klabu Ulaya zasubiri Droo ya UEFA CHAMPIONS LIGI
Leo Saa 1 usiku Droo ya kupanga Makundi ya Mashindano ya UEFA CHAMPIONS LIGI itafanyika na Klabu za England, Chelsea, Manchester United, Arsenal na Tottenham, zinasubiri kwa hamu kujua Wapinzani wao.
Timu zote zimepangwa katika Makapu manne tofauti na Timu zilizomo kwenye Kapu moja haziwezi kukutana na pia Timu zinazotoka Nchi moja haziwezi kukutana.
Timu za Nchi moja zinaweza kukutana kwenye Mashindano haya yakifika Hatua ya Robo Fainali na kuendelea.
Droo inafanyika huko Monaco kwa kupanga Makundi manane ya Timu 4 kila moja.
Kila Kundi litakuwa na Timu moja toka Kapu la 1, la 2, la 3 na la 4 ila Timu za Nchi moja haziwezi kupangwa Kundi moja.
Mechi za Makundi zitaanza Septemba 14 na 15.
Fainali ya UEFA CHAMPIONS LIGI itachezwa Uwanja wa Wembley tarehe 28 Mei 2011.
Timu na Makapu yao:
Kapu la 1: Inter Milan, Barcelona, Manchester United, Chelsea, Arsenal, Bayern Munich, AC Milan, Lyon.
Kapu la 2: Werder Bremen, Real Madrid, Roma, Shakhtar Donetsk, Benfica, Valencia, Marseille, Panathinaikos.
Kapu la 3: Tottenham, Rangers, Ajax, Schalke, Basle, Braga, FC Copenhagen, Spartak Moscow.
Kapu la 4: Hapoel Tel Aviv, FC Twente, Rubin Kazan, Auxerre, CFR Cluj, Partizan Belgrade, MSK Zilina, Bursaspor.
France yatangaza Kikosi chao kwa EURO 2012
• Wamo 9 wa Kombe la Dunia!
Ufaransa imewarudisha kundini Wachezaji 9 waliokuwa huko Afrika Kusini kwenye Kombe la Dunia na ambao waliadhibiwa kwa kutochukuliwa kwenye mechi ya kirafiki na Norway mwanzoni mwa Mwezi kwa kushiriki mgomo huko Afrika Kusini baada ya kufukuzwa mwenzao Nicolas Anelka.
Miongoni mwa Kikosi hicho yupo Straika wa Everton, Louis Saha, ambae hajachezea Ufaransa tangu 2006 ingawa aliwahi kuitwa Mwezi Februari lakini alijitoa baada ya kuumia.
France itacheza mechi za kuwania kuingia Fainali za EURO 2012 hapo Septemba 3 Mjini Paris dhidi ya Belarus na huko Sarajevo Septemba 7 dhidi ya Bosnia.
Katika Kikosi cha wachezaji 21 kilichotangazwa na Kocha Laurent Blanc wapo Wachezaji wanne walioitwa kwa mara ya kwanza.
Wachezaji hao ni Straika wa Lorient Kevin Gameiro, Kipa Cédric Carrasso , Walinzi Mamadou Sakho na Benoît Trémoulinas.
Wachezaji wazoefu waliotemwa ni Éric Abidal, Anthony Réveillère, William Gallas, Marc Planus, Djibril Cissé, Sidney Govou, André-Pierre Gignac, Thierry Henry, na Sébastien Squillaci.
Kikosi kamili:
Makipa: Cédric Carrasso (Girondins Bordeaux), Hugo Lloris (Olympique Lyon), Steve Mandanda (Olympique Marseille).
Mabeki: Gaël Clichy (Arsenal), Philippe Mexes (AS Roma), Adil Rami (Lille), Mamadou Sakho (Paris St Germain), Bacary Sagna (Arsenal), Benoît Trémoulinas (Girondins Bordeaux).
Viungo: Abou Diaby (Arsenal), Alou Diarra (Girondins Bordeaux), Lassana Diarra (Real Madrid), Yann M'Vila (Stade Rennes), Florent Malouda (Chelsea), Jeremy Menez (AS Roma), Mathieu Valbuena (Olympique Marseille).
Mafowadi: Karim Benzema (Real Madrid), Kevin Gameiro (Lorient), Guillaume Hoarau (Paris St Germain), Loic Remy (Olympique Marseille), Louis Saha (Everton).